362007, РСО-Алания, г.Владикавказ,
ул. Армянская, 30/1

(8672) 25-68-18

Наш новый сайт: http://mcx.alania.gov.ru

Ирыстоны рæзы фос дарæны куыст

Паддзахадон программæтæ фермерты æмæ зæхкусджыты къух дзæвгар кæй фæрогдæр кодтой, уый бæлвырд у ивгъуыд азы хъæууон-хæдзарады министрады хатдзæгтæм гæсгæ.

 

Æрæджы дæр ма уыдис ахæм рæстæджытæ, æмæ-иу хъæууон хæдзарады кусæг йæ зындзинæдты бын ныцъцъист. Йæ хæрдзтæ йе `фтиæгты сæрты калдысты, фæлæ фос æмæ зæххы куыст чи кæны, уый йæ фæллойыл къух нæ иста. Ныр, Хуыцау хорз, дуг дæр аивта. Хъæууон хæдзарады кад та Хицауады цæсты ногæй сахадыдта. Йæ цард ацы къабазимæ чи сбаста, уыдонæн паддзахад райдыдта æххуыс кæнын грантыты хуызы. Сæ фæрцы хæдзарæдтæ слæууыдысты рæзты къахыл. Чысылгай йе `нтыстытæм цæуы нæ дарддæры `рмæджы хъайтар Тотраты Эврик дæр. Паддзахадон программæтæ фермерты æмæ зæхкусджыты къух дзæвгар кæй фæрогдæр кодтой, уый бæлвырд у ивгъуыд азы хъæууон-хæдзарады министрады хатдзæгтæм гæсгæ. Паддзахад æхца радта, фермерон куыстуæттæ æрæджы чи байгом кодта, уыдон. Сæ иу у Тотраты Эврик. Фосы куыстгæнæг бинонты хæдзарæдты рæзты программæмæ гæсгæ йын лæвæрд æрцыд 3 милуан сомæй фылдæр. Кусын æй рагæй фæндыд. 2016 азы райста грант æмæ йыл фарон æнтысджынæй бакуыста. Фермæ самадта йæхи хардзæй. Рæуæддон та — гранты фæрцы. Уæдæ ма фæнд кæны, холлæгтæ кæм дардзæн, ахæм бынат саразын дæр. Стурвосы мыггагæй Эврик дары 130 сæры. Уыдонæй 28 сты хуццытæ, иу гал, иннæтæ та родтæ сты. Гранты æхцайæ балхæдта шведаг хъуццъытæ. Ацы родыл 3 боны йеддæмæ нæ цæуы. Фæлæ архайы йæ къæхтыл слæууынмæ, æмæ цымыдисæй йæ алфамблæйттæм ракæс-бакæс кæны. Æхсыры куыстгæнæг заводмæ бон арвиты 300 литры. Фермер йæ зæрдæ дары, фидæны йæ фос кæй фæфылдæр уыдзысты, ууыл. Хъуамæ фæфылдæр кæна йæ куысджыты дæр. Эврикы тыхсын кæны, фосæн хизæнуæттæ фаг кæй нæй, уый. Фæллойгæнæг йæ куыст куы уарза, уæд фылдæр кæны йæ фæлтæрдзинад дæр.Тасойты Аллæ хорз зоны, фермеры бонтæ цафон райдайынц æмæ кæдмæ ахæссынц, уый. Фесты сæумæцъхæй, æмæ суанг изæрмæ не рбады. Куыд кусы, уымæ кæсын æхсызгон вæййы. Уæвгæ, фæллой кæнын кæй уарзы, уый не мбæхсы. Ирыстоны фосы куыст кæныны хъуыддаг рæзы. Фермæртæ кæд бирæ нæма сты, уæддæр сæ куысты сæхи æнтыстджынæй æвдисын райдыдтой.