362007, РСО-Алания, г.Владикавказ,
ул. Армянская, 30/1

(8672) 25-68-18

Наш новый сайт: http://mcx.alania.gov.ru

Бæхтæ дарыны куыст

Хойраг æмæ хъæууон хæдзарады министрады специалисттæ архайынц къабазы куыст йæ къæхтыл слæууын кæныныл. 2017 азы с` архайд æнтыстджын рауад. Уый бæрæг у сæ хатдзæгтæй. Уæрæсейы хъæууон хæдзарады къабазы хорздзинадæн цы программæтæ æххæстгонд цыдысты, уыдонæй спайда кодтой Цæгат Ирыстоны дæр. Нæ республикæйы æрдзон уавæртæ сты аккаг фос дарынæн. Уый зонынц, фос чи уарзы, уыцы адæймæгтæ. Сæ иу — нæ дарддæры æрмæджы хъайтар. Сылгоймаг уæвгæйæ кусы бæхтимæ.

Езиаты Эммæ бæхты рагæй уарзы. Йæ сабибонтæй хъуыды кæны, йæ фыд-иу 10 бæхæй къаддæр кæй нæ дардта, уый. Æмæ сæ Эммæ дæр ахæм зæрдæ дарын райдыдта. Рагæй фæнд кодта семæ кусын. Хойраг æмæ хъæууон хæдзарадон министрадæй нæм æрцыдысты минæвæрттæ. Радзырдтой нын цавæр программæттæ кусы абон. Эммæ спайда кодта, фермеры куыст нырма кæнын чи райдыдта, уыдонæн æххуыс кæныны программæйæ. Бæхты куыст кæнын сылгоймагæн у удæнцой. Йе `рыгон бонтæй ма хъуыды кæны, сæ хæдзары цы бæхтæ дардтой, уыдоны. Ахууыс нын кодтой, 600 мин сомы нын радтой æмæ дзы балхæдтон 20 бæхы. Фылдæр кæндзæн. Ис дзы сарматский пород æмæ кабардинский дæр. Фæнды мæ племенной куыст дæр кæнын. Эммæмæ ис бирæ фæндтæ. «Хуыцау æнæниздзинад раттæд æндæр куыстæй нæ тæрсын» — зæгъы сылгоймаг. Фæнды ма мæ манеж скæнын. Цæмæй сывæллæтты ахуыр кæнон бæхыл бадын. Разæнгардгæндзинад хъæуы алкæйдæр, цæмæй алчидæр йæ фæндтæ ххæст кæна. Фæндтæ хорз сты. Ноджы хуыздæр та — фæндтæ куыстимæ баст куы вæййынц æмæ куы сæххæст вæййынц, уæд. Эммæйæн йæ куыст хæссы æнцойдзинад. Ахæм адæймаг та зæрдæйæ дæр фæзминаг вæййы.